فيلم عمارة يعقوبيان..فيلم اخد ضجة كبيييييييييرة اوى اوى فى الوقت اللى نزل فيه السينمات
ساعتها انا قلت انه فيلم قنبلة قى على كل الدعاية والشهرة دى
الفيلم معروض اليومين دول على
art
سينما وانا شفته بس ملقتهوش يستاهل كل الضجة دى كلها
الفيلم بيحكى عن عمارة يعقوبيان اللى فى وسط البلد
وان فى العمارة دى جميع طوائف الشعب ابتدأء من البواب الى الناس البشوات واصحاب الاملاك
كل دا جميل
لكن لو مسكنا كل دور من الادوار على حدة
يعنى دور عادل امام:ابن بهوات ..عايش على ميراث اهله ..ولا شغلة ولا مشغلة غير انه كل يوم مع واحدة شكل
ايه الموضوع والهدف من الدور ..مممممم..ولا حاجة...وفى الاخر بيتجوز واحدة منهم وخلاص..
بس دى اول مرة اشوف عادل امام مش بيعمل دور كوميدى..هو دا الجديد وبس
طب نيجى لدور اسعاد يونس:انا فاكرة ان لما الفيلم كان فى السينما السنة اللى فاتت..كانت بتطلع اسعاد يونس وتقول هو دا الدور الى رجعنى للسينما تانى..طيب ايه هو الدور الفظيع اللى رجعها للسينما تانى
دورها انها اخت عادل امام
طالعة طول الفيلم تشتم فيه وتقول الفاظ وبتاع
وانها طمعانة فى الشقة اللى هى واخوها قاعدين فيها وبتستغل علاقات اخوها بالستات وبتطرده من الشقة قدام الجيران كلهم
..................................................
نيجى لدور خالد الصاوى:اللى بيعمل دور صحفى شاذ جنسيا..من ناحية التمثيل فهو ادى الدور كويس جدا
لكن الموضوع نفسه..ايه لازمة طرح قضية ذى قضية الشذوذ الجنسى فى مصر
؟؟؟؟؟؟؟؟؟؟؟؟؟؟؟
اعتقد ان الموضوع دا موجود فى الغرب اكتر بكتير من مصر
مش متخيلة ان دا موجود عندنا فى بلدنا!!!!!
وحتى لو موجود هم عرفوهم كدا يعملوا ايه فى الحالات دى
وازاى يستجلبوا الناس لحد عندهم بشوية فلوس
بس الجميل نهاية الطريق دا كانت الموت ..لان اخر واحد منهم كان حرامى وموت خالد الصاوى وسرقه
...........................
نيجى لدور نور الشريف:رجل كان بيتشغل جزمجى..بيلمع جزم..وبعد كدا فتح محلات احذية وعربيات
وبيظهر قدام الناس بشكل الحاج المتدين..اللى بيراعى ربنا..ومراته محجبه وكدا..
وهو عضو فى مجلس الشعب..وطبيعى عنده حصانة ..والحصانة دى استغلها فى انه يتاجر فى المخدرات..عشان محدش يقدر يفتح بقه معه..
وفى نفس الوقت بعض الوزراء عارفين اللى بيعمله كويس ومطنشين بمزاجهم عشان هياخدوا نسبة من الفلوس دى مقابل سكوتهم
يعنى شخصية بترمز لناس كتير موجودين فى مصر
بيظهروا قدام الناس بمظهر المحترمين لكنهم فى الاصل حاجة غير كدا خالص خالص
.........................
والولد اللى هو ابن البواب:اللى كان عاوز يبقى ظابط
واترفض طبعا لان والده بواب
لجأ للجماعات الدينية..واتقبض عليه واتعمل فيه حاجات بشعة
ودا خلاه يحس انه فقد انسانيته ويرفض الجامعة واللى حواليه ويكون هدفه انه ينتقم من الضابط اللى بهدله كدا
وبتكون نهايته هو الضابط الموت
لان الولد دا وجد انه الضباط هم اللى بهدلوه فلجأ مرة تانية للجماعت الدينية اللى دربوه وجوزوه ووفروله مسكن وهيساعدوه انه ياخد حقة
بجد الدور والاداء عجبونى اوى للولد دا (مش عارفة اسمه).اسفة
............................
سمية الخشاب :طالعة بدور صغير كان ممكن اى كومبارس تعمله
يسرا :مالهاش اى دور اصلا
هند صبرى:دورها كويس بردو
بس هى كانت بتحب الولد ابن البواب ولما الولد دا تدين وجاب لها كتاب عن الحجاب رفضته ورفضت الولد كمان
ومشيت ورا عادل امام وطبعا
اتجوزته فى الاخر
يعنى ايه؟
يعنى نهاية الطريق الحرام اللى هى مشيت فيه كانت نهاية سعيدة
ونهاية الولد اللى هو ابن البواب كانت القتل..لانه صمم ياخد حقه
احمد بدير :دوره بردو صغير جدا جدا..وكان ممكن اى حد تانى يعمله.........................
مش شايفة ان الفيلم دا بيمثل مصر اصلا
لان القضية الواضحة فيه هى الجنس
ودا ظاهر فى دور عادل امام.. وكمان اخته اللى بيقولها ان عدد اللى ناموا معها من الرجالة اكبر من عدد اعضاء حزب الوفد
ونور الشريف اللى اتجوز على مراته عشان الجنس بردو
دا غير حكاية الشذوذ بتاعة خالد الصاوى دى
طيب هى دى مصر؟؟انا لا اعتقد ذلك
